Mbrojtësi i Kombëtares, Kastriot Dermaku me shumë gjasa do t’i jap fund aventurës me Kozencës në fund të sezonit. Shqiptari i cili është dhe kapiteni i skuadrës, ka zhvilluar një sezon mjaft të mirë, duke zgjuar interesin e disa klubeve në Serinë A. Dermakut i mbaron kontrata më 30 qershor, teksa ka refuzuar rinovimin e saj.

Eksperi Alfredo Pedula zbulon se mbrojtësi shqiptar pëlqehet nga 3 klube të Serisë A, si Bolonja, Parma dhe Torino. Këta të fundit duken disi më të tërhequr.

Në përfundim të kampionatit pritet që palët të nisin tratativat për shërbimet e Dermakut, ndërkohë që shanset janë të mëdha që shqiptari sezonin e ardhshëm të veshë fanellën e një prej klubeve që militojnë në elitën e futbollit italian.

PANORAMASPORT.AL

NDIQE LIVE "PANORAMA TV"

---