Apolonia njihet si njëra prej klubeve që po prodhon lojtarë mjaft premtues për futbollin shqiptar.

Disa prej futbollistëve të skuadrës fierake kanë rënë në “lupën” e disa prej skuadrave më të mira të Kategorisë Superiore. Presidenti i klubit Koço Kokëdhima ka deklaruar se synon që tek Apolonia të aktivizohen futbollistë me perspektivë për të ardhmen duke synuar ligat më të forta të Europës.

“Sporti.im” mëson se biznesmeni Kokëdhima ka shprehur synimin për të shitur lojtarin Redon Mihana në kampionatin italian (Seria A).

21-vjeçari është njëri prej futbollistëve më të spikatur të Apolonisë dhe klubi pret që ta shesë për një shifër të konsiderueshme.

PANORAMASPORT.AL

NDIQE LIVE "PANORAMA TV"

---