Dy vite pa futboll, klubi kryeqytetas krijohet sërish nga e para

Panorama Sport | Lajmet e fundit nga sporti

Postuar: Shtator 24, 2021 | 15:00


Dy vite pa futboll, klubi kryeqytetas krijohet sërish nga e para

Pas AF Luftëtarit dhe AF Elbasanit, lind një tjetër klub futbolli. Bëhet fjalë për AF Kamza 05, që prej pesë vitesh është themeluar si akademi dhe është pjesëmarrëse me grup-moshat në Ligën Amatore të kryeqytetit me grup-moshat U-11, U-13, U-15 dhe U-17.

Kamza

U bë dy vite që ky qytet nuk ka futboll dhe në 85-vjetorin e krijimit të klubit të Kamzës, drejtuesit e AF Kamza 05 bëhen iniciatorë për krijimin e një klubi.

Presidenti Valter Marrashi, zv.presidenti dhe njëkohësisht trajneri Ardit Marku, si edhe zv.trajneri Florian Qerimi e kanë regjistruar në Kategorinë e Tretë.

“Futbolli është gjithmonë i bukur dhe me surpriza. Për fat të keq, i ndodhi Kamzës e ne na ra barra e rëndë që ta ngremë nga zeroja. Me punë shpresojmë ta çojmë Kamzën aty ku i takon.

Nga vetë emërtimi, Akademia e Futbollit Kamza 05, kemi menduar që të mos bëjmë më gabimet e së kaluarës”, tha trajneri Marku.

ABDULLA DUSHKU – PANORAMASPORT.AL


Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/