Dy seanca stërvitore në ditë, ja si duket gjendja te Partizani përpara sfidës ndaj Skënderbeut

Panorama Sport | Lajmet e fundit nga sporti

Postuar: Shtator 14, 2021 | 14:40


Dy seanca stërvitore në ditë, ja si duket gjendja te Partizani përpara sfidës ndaj Skënderbeut

Skuadra e Partizanit ka nisur ditën e djeshme seancat stërvitore në prag të sfidës kundër Skënderbeut, transferta e dytë radhazi në këtë fillim të edicionit të ri në Superiore.

Partizani

Pas humbjes kundër Teutës me rezultatin 0-1, Ilir Daja dhe stafi teknik kanë vendosur të shtojnë dozën e përgatitjeve me dy seanca stërvitore në ditë.

Gjithashtu, është bërë edhe një analizë e humbjes kundër durrsakëve. I gjithë grupi do të jetë i plotë për trajnerin Daja në sfidën kundër Skënderbeut, madje edhe afrimet e fundit në ekip pritet të jenë në formën më të mirë fizike dhe të marrin më shumë minuta kundër korçarëve.

Pritet shumë që Kaçe dhe Mala të jenë në formë sa më optimale, në mënyrë që të jetë një formacion sa më i fortë në fushën e lojës. Partizani dhe Skënderbeu do të përplasen ditën e shtunë, në orën 16:45.

PANORAMASPORT.AL


Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/