Derbi ndaj Tiranës, “demat” e Partizanit humbasin një titullar
Partizani triumfoi pasditen e sotme 2-0 ndaj Dinamos në duelin e zhvilluar në “Arenën e Demave”. Të duelin e ardhshme, skuadra e Orges Shehit do të përballet me Tiranën, në derbin e zjarrtë të kryeqytetit.
Në këtë sfidë, “demat” nuk do të kenë në dispozicion një titullar. Bëhet fjalë për mbrojtësin David Atanaskoski, i cili u ndëshkua me karton të verdhë gjatë një ndërhyrje ndaj Zabërgjës në minutën e 45+2’ dhe plotëson numrin e kartonëve për t’u pezulluar me 1 ndeshje.
Mbrojtësi humbet derbin dhe lë një boshllëk të madh në krahun e majtë ku ka qenë titullar absolut gjatë gjithë sezonit.
Te Partizani rrezikonin shumë, plot 6 lojtarë: Eljon Sota, Arinaldo Rrapaj, Andi Hadroj, David Atanaskoski, Kristian Mba dhe Alfred Mensah.
PANORAMASPORT.AL
NDIQE LIVE "PANORAMA TV"