Apolonia shuan zërat e merkatos: Uzuni është i yni
Zërat për një transferim të mundshëm të Myrto Uzunit te Partizani, kanë lënë të pakënaqur drejtuesit e Apolonisë, të cilët kanë përgënjeshtruar akordin e përfolur së fundmi për kalimin e lojtarit te skuadra kryeqytetase.
Për “Panorama Sport”, administratori i klubit fierak, Kamber Memollaj, mohoi që të ketë një akord të tillë për largimin e lojtarit. Këtë qëndrim klubi e konfirmoi më pas edhe nëpërmjet një komunikate zyrtare.
“Nuk ka asnjë negociatë klub me klub për Uzunin apo për ndonjë lojtar tjetër. Klubi ynë ka kartonin e lojtarit dhe nuk është në dijeni të një kërkese të bërë dhe aq më shumë që të jetë pranë marrëveshjes.
Jemi të indinjuar për këtë situatë të papranueshme, kur rrjete sociale dhe gazeta, pa kurrfarë burimi zyrtar flasin për një transferim të tillë”, shkruhej në komunikatën e klubit fierak.
NDIQE LIVE "PANORAMA TV"