Anderlehti kërkon t’i mbajë Abazajt rrogën, ish-lojtari i Sitit gati të paguajë nga xhepi
Koronavirusi vazhdon të përhapet me shpejtësi në të gjithë botën, ku deri tani janë regjistruar raste të shumta të prekurish dhe viktima të shumtë.
Pikërisht për shkak të këtij virusi, është pezulluar edhe futbolli që ka sjellë edhe probleme të shumta te ekipet. Financat e klubeve janë prekur nga ky pezullim, aq sa kanë kërkuar edhe uljen e rrogave të futbollistëve të tyre.
Një nga këto klube është edhe Anderlehti, që gjithashtu i ka kërkuar lojtarëve të mos iu japë rrogë për muajin prill. Nga kjo preket edhe Kristal Abazaj, i cili edhe pse është i huazuar te Kukësi, një pjesë të rrogës e merr nga skuadra belge.
Në këtë situatë do të prekej edhe sulmuesi shqiptar, si shumë të tjerë. Megjithatë futbollistët e Anderlehtit ende nuk janë të sigurt për të pranuar këtë vendim, pasi kanë parë disa pika të tjera në klauzolë.
Këtu mendon të ndërhyjë ish-lojtari i Sitit, Vinçent Kompani, i cili është trajner te ky klub dhe është i gatshëm që të paguajë nga xhepi në mënyrë që të mos krijohen përçarje mes klubit dhe lojtarëve.
PANORAMASPORT.AL
NDIQE LIVE "PANORAMA TV"