Transferimi i Politanos drejt dështimit, Roma nis ofensivën për dy lojtarët shqiptar
Mateo Politano dukej shumë afër kalimit te Roma, por kur pritej vetëm zyrtarizimi i këtij transferimi që do të çonte Spinacolën te Interi, marrëveshja u ndal dhe është shumë afër dështimit.
Në këtë situatë verdhekuqtë duhet të shikojnë për lojtarë të tjerë, në repartin e sulmit dhe alternativat nuk mungojnë.
Sipas asaj që shkruan “Corriere della Sera”, drejtuesit kryeqytetas kanë hedhur sytë nga Adnan Januzaj, i cili aktualisht aktivizohet me Real Sociedadin. Futbollisti shqiptar pëlqehet shumë nga drejtuesit dhe pritet të nisin një sulm për të.
Megjithatë Januzaj nuk është lojtari i vetëm shqiptar që ndiqet nga Roma. Nën vëzhgimin e italianëve është edhe Xherdan Shaqiri, i cili nuk po gjen shumë hapësira te Liverpuli dhe mund të pranonte një kalim në “Olimpico”.
PANORAMASPORT.AL
NDIQE LIVE "PANORAMA TV"