Daniel Uotlai është lojtari më i ri i Teutës. Durrsakët kanë prezantuar sot mesfushorin, siç “Panorama Sport” kishte paralajmëruar.

Uotlai u largua si i padëshiruar nga Egnatia, edhe pse kishte dy vite të tjera kontratë. Teuta përfitoi nga ky rast për të përforcuar skuadrën me nigerianin 22-vjeçar.

Njoftimi i Teutës:

Mesfushori nigerian Daniel Wotlai ka firmosur me Teutën dhe do të jetë pjesë e ekipit tonë për sezonin 2025-2026!

I ardhur nga Egnatia, Wotlai është një mesfushor difensiv që sjell fleksibilitet, siguri dhe përvojë në repartin tonë të mesfushës.

Një përforcim me shumë vlera për objektivat tona ambicioze në sezonin e ri!

PANORAMASPORT.AL

---