Trajneri i Celjes, Vitor Kampelos, foli në konferencën për shtyp në prag të duelit të kthimit ndaj Egnatias, që do të zhvillohet ditën e nesërme duke filluar nga ora 20:15, teksa u shpreh:

“Gjatë javës që nga ndeshja e parë, ne jemi përqendruar në shumë gjëra që mund dhe duhet të jenë më mirë, nga pasimet e gjata të Egnatias deri te ndërhyrjet, të cilat janë arma e tyre kryesore. Tani e njohim kundërshtarin tonë edhe më mirë dhe jemi të përgatitur për ta në të gjitha segmentet e lojës.

Jemi të sigurt. Të shënosh tre gola larg shtëpisë në Evropë nuk është një arritje e vogël, por në të njëjtën kohë duhet të rregullojmë gjërat që çuan në tre golat e pësuar në ndeshjen e parë. Duhet të kesh karakter për ndeshje si kjo. Jam i bindur se do të jemi në fushë të martën dhe do të kualifikohemi për raundin tjetër të garës, pasi të gjithë jemi të vetëdijshëm për atë që mund të sjellë kjo ndeshje “, deklaroi trajneri i Celjes.

PANORAMASPORT.AL

---