Redon Xhixha do të vazhdojë të veshë fanellën e Tiranës, pavarësisht spekulimeve për të ardhmen e tij. Sulmuesi ka pranuar ofertën e bardhebluve duke firmosur një kontratë të re.

Lajmi është bërë i ditur nga vetë kryeqytetasit përmes një postimi në rrjetet sociale.

Për Xhixhën, ky rinovim sjell stabilitet pas një periudhe jo të lehtë në karrierë ndërsa për klubin konsiderohet një lëvizje shumë e rëndësishme, e cila po punon për rindërtimin e skuadrës pas një sezoni të vështirë.

Mbajtja e një prej lojtarëve më cilësorë në repartin ofensiv i jep Tiranës një pikë të fortë referimi për projektin e ri që po ndërtohet në këtë merkato vere.

PANORAMASPORT.AL

---