Barcelona di si t’i vlerësojë legjendat e saj dhe këtë herë ishte radha e Ronaldinjos. Brazilian mbushi 46 vjeç ditën e djeshme dhe klubi donte t’i bënte homazh sot me lojtarët aktualë të Barcës që veshën fanellën e tij para ndeshjes kundër Rajo Vajekanos.

Ata dolën në fushën e Camp Nou me fanellën që Ronaldinjo mbajti veshur gjatë sezonit 2005/06, duke nderuar kështu një nga legjendat më të mëdha të klubit. Kjo fanellë do të dalë në shitje këtë të dielë pas këtij eventi promovues.

Homenaje del ⁦@FCBarcelona_es⁩ y ⁦@Nike⁩ a ⁦@10Ronaldinho⁩ pic.twitter.com/ytvteDx1He

— moisESPN (@moillorens) March 22, 2026

Pritet që para fillimit të ndeshjes, klubi do të mbajë një tjetër homazh për brazilianin, arkitektin e ekipit të Barçës që fitoi Ligën e Kampioneve dhe hodhi themelet për atë që do të vinte më vonë me epokën e Mesit.

PANORAMASPORT.AL

---