Presidenti i SHBA, Donald Tramp, ka pranuar se ka telefonuar Xhani Infantinon për t’i kërkuar që të hiqej pezullimi i Folarin Balogun, i ndëshkuar në ndeshjen ndaj Bosnjës dhe mungesë e sigurt në duelin ndaj Belgjikës në Kupën e Botës. Vendimi i FIFA-s për të anuluar të kuqin ka çuditur të gjithë, por Tramp ka insistuar se nuk kishe pasur asgjë të gabuar në vendimmarrjen e saj.

“Po, e bëra, fola me Xhanin. I kërkova një shqyrtim nga FIFA. Kjo është e gjitha ajo që bëra. Dhe e dini, përsëri, se unë jam i mirë në këto gjëra. Nuk ishte faull. Nuk ishte as shkelje. Ishin dy djem që vraponin me shpejtësi të plotë që rastësisht u përplasën me njëri-tjetrin.

Nuk mund ta vendosësh siç duhet këmbën mbi këmbën e dikujt tjetër kur je duke vrapuar me shpejtësi të plotë. Jo, këta ishin dy atletë të mëdhenj që u ngatërruan. Dhe ky arbitër, i cili është pak i dyshimtë, nëse kontrolloni të kaluarën e tij… Nuk dua ta them këtë sepse nuk më pëlqen të krijoj polemika, por shumë i dyshimtë. Nëse dëshironi, do t’ju jap të dhëna për të kaluarën e tij.

Së pari, nuk ishte faull. Dhe pastaj duhet të shikoni personin që mori vendimin. Loja sonte do të jetë e mrekullueshme. Do të kemi një ekip të plotë dhe Belgjika do të ketë një ekip të plotë. Dhe e dini çfarë, nëse na mundin, mund të jenë vërtet krenarë.

Kjo ndeshje do të kishte pasur një shënjestër të madhe mbi të. Përndryshe, nëse do të na mundnin, do të thosha se është e manipuluar, ashtu siç u manipuluan zgjedhjet në vitin 2020. Mendoj se morën një vendim të shkëlqyer. Mendova se vendimi i gjyqtarit ishte i tmerrshëm. Askush nuk flet për këtë. Flasin për kartonin e kuq sikur të ishte në rregull.

BREAKING: President Trump reveals the details of his conversation with FIFA President Gianni Infantino over the controversial red card call on star American player Folarin Balogun.

“All I did was ask for a review because I didn’t think it was a foul. And, you know, again, I’m… pic.twitter.com/MD5Q9t44th

— Fox News (@FoxNews) July 6, 2026

Ai (Balogun) nuk bëri asgjë të gabuar dhe ai është lojtari ynë më i mirë, ose një nga lojtarët tanë më të mirë, një lojtar shumë i rëndësishëm dhe ata i dhanë një karton të kuq.

Nuk mendova se kishte shumë rëndësi. Pastaj fillova të dëgjoja se kjo do të thotë që nuk mund të luash në ndeshjen tjetër, të paktën në ndeshjen tjetër. Të penalizosh dikë për ndeshjen është diçka. Por si e penalizon për një ndeshje që nuk është luajtur ende? Është shumë e padrejtë. Nuk mund ta bësh këtë.

Nuk i thashë që duhet ta bësh këtë. Xhani është një njeri i zgjuar dhe i fortë dhe reputacioni i tij po rritet.

Nuk e dija çfarë dreqin ishte një karton i kuq. Kur e mora vesh, thashë “mos po tallesh”. Thashë uau, ky është pushtet i madh, kjo është e tmerrshme. Por pastaj shikova të kaluarën e tij dhe nuk ishte aq e mirë. Nuk i thashë (Infantinos) çfarë të bënte, nuk mund t’i them çfarë të bëjë”, argumentoi Tramp bisedën që kishte pasur me Infantinon dhe arsyet që e kishin çuar të kërkonte heqjen e kartonit të kuq të Balogun.

PANORAMASPORT.AL

---