Përfaqësuesja e Norvegjisë ka lënë SHBA dhe është kthyer në vendlindje, pasi mbylli eksperiencën e saj në Botëror. “Vikingët” u eliminuan në çerekfinale por lanë një imazh shumë të mirë dhe u cilësuan si surpriza e vërtetë e këtij edicioni.

Ekipi është kthyer në Norvegji, ku do të ketë një ceremoni në nderim të lojtarëve dhe stafit për këtë paraqitje dhe ku padyshim cilësohen heronj. Por pamjet e ekipit duke dalë nga avioni, kanë bërë bujë në rrjetet sociale për faktin se Haland mbante në dorë diçka shumë të pazakontë.

Sulmuesi norvegjez në javët e mëparshme kishte shfaqur në rrjete sociale pamje të kafshëve të balsamosura, por askush nuk e priste që të merrte një të tillë me vete. Kamerat filmuan Haland duke u ulur nga avioni dhe ai mbante në dorë një rakun të balsamosur, që me sa duket e kishte marrë si kujtim nga vizita e tij në SHBA.

Erling Haaland and a taxidermy racoon land back home in Norway 😂

Not a sentence I thought I would ever write but he is who he is 🤣 he showed 3 taxidermy raccoons in one of his snaps, but didn’t give away what he planned to do 😂 pic.twitter.com/UDC6M614XR

— Victoria Uwonkunda (@Afroscandi) July 13, 2026

PANORAMASPORT.AL

---