Albers Keko qëndron jashtë fushës së blertë nga data 10 korrik. Fatkeqësisht për të, Keko pësoi një dëmtim të rëndë në Talin. Për këtë duhet të largohej nga fusha e blertë në pjesën e parë.Ka kaluar një muaj dhe Keko i është nënshtruar sot ndërhyrjes kirurgjikale. Për të do të vazhdojë periudha më e vështirë. Ajo e rikuperimit, që pritet të zgjasë disa muaj. Sulmuesi 23-vjeçar ishte një investim i Partizanit, pasi spikati me Korabin në Kategorinë e Parë.

Të kuqtë e afruan pikërisht dy vite më parë. Së fundmi po merrte më tepër minuta duke u aktivizuar vazhdimisht si titullar. Kontrata e tij pëfundon në fundin e këtij sezoni. Akoma nuk dihet nëse do të vijë rinovimi me kryeqytetasit. Më parë, Kekon e kërkonte Ilir Daja te Ballkani. Në 69 ndeshje ku ka fituar minuta me Partizanin ka shënuar 12 gola dhe ka asistuar 3 të tjerë.

PANORAMASPORT.AL

---