KF Tirana po vijon përgatitjet për ndeshjen e parë të sezonit ndaj Bylisit, por trajneri Vangjel Mile duhet të përballet me disa shqetësime në skuadër.

Gjatë seancës stërvitore të fundit në kompleksin “Skënder Halili”, tre lojtarë bardheblu, Meta, Zhunior dhe Abah, nuk morën pjesë në stërvitjen e plotë me grupin. Ata u panë duke vrapuar anash fushës, duke ndjekur një program të diferencuar fizik.

Sipas burimeve pranë klubit, bëhet fjalë për probleme të lehta fizike, të cilat stafi mjekësor po i monitoron me kujdes, me shpresën që lojtarët të rikthehen shpejt në ngarkesë të plotë.

Gjendja e tyre do të jetë një pikë vëmendjeje për stafin teknik, pasi trajneri kërkon të ketë grupin e kompletuar për miqësoren e fundjavës ndaj Burrelit, e cila do të jetë edhe testi gjeneral përpara sfidës zyrtare të javës së ardhshme.

PANORAMASPORT.AL

---