Janë luajtur plot dhjetë javë në Superiore dhe vetëm Vusal Isgandarli ka shënuar te Partizani. Rrok Toma foli në konferencë për shtyp, ndërsa në prag është ndeshja me Teutën.

Si e ke gjetur veten te Partizani – 

Jam i fundit që kam ardhur në këtë klub dhe më kanë pritur jashtëzakonisht shumë mirë, trajneri, tifozët, çunat shumë mirë.

Çfarë ndjesie është të luash kundër Teutës – 

Jam shumë mirënjohës ndaj tyre pasi ishte viti i parë ku unë luajta aq ndeshje në futbollin profesionist. Ne atje shkojmë për fitore dhe shpresojmë që ta arrijmë.

Ndeshja me Teutën –

Ne jemi një ekip agresiv, duhet të shfrytëzojmë agresivitetin që kemi, të jemi skuadër dhe besoj që kështu mund të arrijmë fitoren. Tani Teuta ka ndryshuar nuk e di se si janë brenda grupi i tyre por mua më intereson që të fitojmë ne.

 Atmosfera në skuadër –

Kemi disa kohë që diskutojmë, normale jemi përgjegjës për situatën, por jemi një grup i fortë kemi kualitet. Jemi shumë borxhli ndaj tifozave. Unë besoj që do ja dalim të bëjmë kthesën të gjithë bashkë.

PANORAMASPORT.AL

---