Ish-partnerja e Leonardo DiKaprios, Kamila Morrone, po mbështet nga afër në stadium Argjentinën dhe Lionel Mesin në Kupën e Botës. Modelja dhe aktorja 29-vjeçare, e lindur nga prindër argjentinas, nuk e fsheh kurrë dashurinë për kombëtaren e drejtuar nga Lionel Skaloni.

Ylli i serialit “The Night Manager” udhëtoi drejt Teksasit për të parë Argjentinën të siguronte fitoren kundër Jordanisë, suksesi i tretë në fazën e grupeve.

Kamila nuk e fshehu emocionin dhe publikoi një mesazh plot krenari në rrjetet sociale: “Nuk do ta kuptoni kurrë krenarinë që ndiej që jam argjentinase! Është një ëndërr e bërë realitet ta shoh Mesin nga afër (duke shënuar gol) në Kupën e Botës! Shihemi në finale, në rregull??? Forca djema, edhe një Kupë!”.

 

Kamila, e cila u rrit për një dekadë nën kujdesin e legjendës së kinemasë Al Paçino, ishte në një lidhje me fituesin e çmimit Oscar, Leonardo DiKaprio, nga viti 2017 deri në vitin 2022. Për ndeshjen ajo kishte veshur një bluzë pa mëngë të kombëtares argjentinase, të kombinuar me një kapele të kaltër dhe xhinse të bardha.

Jashtë stadiumit ajo u pa duke buzëqeshur dhe brohoritur, ndërsa pasi u ul në tribunë, me flamurin argjentinas të pikturuar në faqe, vendosi duart mbi kokë nga emocionet. Në rrjetet sociale publikoi edhe një foto të Mesit duke u përgatitur për të hyrë në fushë, ndërsa nuk munguan as fotografitë me tifozët, ku pozoi me shenjën e paqes dhe realizoi një selfie me stadiumin në sfond.

PANORAMASPORT.AL

---