Karlos Alkaraz u kualifikua për në 1/8-at e “Indian Wells Masters” pasi mposhti me përmbysje francezin Arthur Rinderknech pas një ndeshjeje të fortë me tre sete. Numri një i botës pranoi se kundërshtarët shpesh luajnë në nivele shumë të larta kur përballen me të.

“Ndonjëherë duket sikur po luaj kundër Roxher Federer në çdo raund”, tha ai me ironi, duke nënvizuar se shumë lojtarë arrijnë kulmin e formës pikërisht në ndeshjet kundër tij. Spanjolli pranoi se e ndien presionin e kundërshtarëve që hyjnë në fushë duke ditur se nuk kanë asgjë për të humbur, një dinamikë që e shndërron çdo raund të një turneu Masters 1000 në një kurth të mundshëm.

“Ndihem sikur kam një shënjestër në shpinë”, shpjegoi Alkaraz, duke analizuar se kjo ndjesi e detyron të kërkojë vazhdimisht variante taktike për të thyer ritmin e kundërshtarëve.

PANORAMASPORT.AL

---