Sulmuesi i Tiranës, Zharmuni, u zgjodh lojtari më i mirë i derbit Tirana-Partizani, ku bardheblutë e Bledi Shkëmbit triumfuan me rezultatin 3 me 0.  

24-vjeçari shënoi dopietë në pjesën e parë, teksa në prononcimin e dhënë pas ndeshjes për mikrofonin e “RTSH”, u shpreh:  

“Duhet të fitonim patjetër. Ishte shumë e rëndësishme për ne, por edhe për të bërë të ndihen krenar edhe tifozët që na mbështesin gjithmonë.  

Nuk ishte fare e thjeshtë, kemi punuar shumë me trajnerin. Rezultati 3 me 0 nuk do të thotë se ishte ndeshje e thjeshtë.  

Nuk më intereson fare Këpuca e Artë, apo nëse dal lojtari i ndeshjes. e rëndësishme është të shënoj të ndihmoj ekipin dhe të gjithë të bashkë të dalim nga kjo situatë.  

Do të japim maksimumin që të fitojmë edhe 3 ndeshjet e ardhshme për të siguruar mbijetesën”, deklaro Zharmuni.  

PANORAMASPORT.AL

---