“Opta Power Rank ings” ka publikuar renditjen globale të 411 ligave të futbollit në botë dhe kjo pasqyrë statistike tregon qartë se ku qëndron futbolli shqiptar në të gjitha nivelet e tij. Kategoria Superiore renditet në vendin e 66-të me 68 pikë totale, duke qenë liga më e fortë në vend dhe e vetmja që pozicionohet në pjesën e mesme të renditjes botërore.

Kjo tregon një stabilitet relativ të elitës së futbollit shqiptar edhe pse pa ndonjë rritje domethënëse krahasuar me periudhat e mëparshme. Mesatarja e pesë skuadrave më të mira arrin në 70.2 pikë ndërsa dhjetë ekipet kryesore qëndrojnë në nivelin 68 çka dëshmon se kampionati është i balancuar por edhe se mungon një elitë që ta tërheqë ligën drejt niveleve më të larta europiane. Një realitet krejt tjetër shfaqet në ligat më të ulëta.

Kategoria e Parë renditet në vendin e 227 me 55.7 pikë, duke pësuar edhe një rënie prej një pozicioni. Kjo diferencë prej më shumë se 12 pikësh nga Superiore tregon një hendek të madh cilësor dhe strukturor mes elitës dhe nivelit të dytë të futbollit shqiptar. Edhe më shqetësuese janë shifrat e Kategorisë së Dytë e cila renditet në vendin e 363 me vetëm 41 pikë dhe një rënie prej dy pozicionesh, duke u pozicionuar në fundin e renditjes globale. Situata pasqyron qartë problemet e thella të bazës së futbollit shqiptar mungesën e investimeve infrastrukturën e dobët dhe nivelin e ulët të konkurrencës.

Në krahasim me rajonin Shqipëria arrin të mbajë një pozicion të respektueshëm vetëm në elitë, ndërsa në ligat e para dhe të dyta mbetet ndjeshëm prapa vendeve si Kroacia, Greqia, Rumania apo edhe Serbia, të cilat kanë jo vetëm kampionate elitare më të forta por edhe nivele të dyta shumë më konkurruese. Kjo do të thotë se problemi kryesor i futbollit shqiptar nuk qëndron vetëm te skuadrat e para, por te mungesa e një piramide funksionale zhvillimi.

SUPERIORJA MË VETE – “Opta Power Rankings”, një nga sistemet më të besueshme statistikore në futbollin botëror, ka publikuar renditjen globale të ligave sipas forcës mesatare të klubeve. Në këtë klasifikim, Kategoria Superiore shqiptare renditet në vendin e 66-të në botë, duke reflektuar nivelin aktual të kampionatit dhe pozicionin e tij në raport me ligat e rajonit.

Me një vlerësim total  68.0 pikë, kampionati shqiptar shfaq stabilitet, por edhe kufizime të qarta në krahasim me fqinjët që kanë bërë hapa më të mëdhenj në arenën europiane. Mesatarja e 5 skuadrave më të mira arrin në 70.2, ndërsa 10 skuadrat kryesore qëndrojnë në nivelin 68.0, një tregues i qartë se diferencat e brendshme janë të vogla, por edhe se mungon një elitë që të tërheqë ligën përpara. Në krahasim rajonal, diferencat bëhen edhe më të dukshme.

Kroacia (16), Turqia (17) dhe Greqia (26) janë disa nivele më lart, të mbështetura nga klube që konkurrojnë rregullisht në fazat e grupeve dhe më tej në kompeticionet europiane. Rumania (37) dhe Bullgaria (60) ruajnë avantazhin ndaj Shqipërisë, kryesisht falë infrastrukturës më të zhvilluar dhe eksperiencës ndërkombëtare të klubeve të tyre.

Nga ana tjetër, Shqipëria pozicionohet pothuajse në të njëjtin nivel me Serbinë, e cila renditet vetëm një vend më lart (65), duke treguar se hendeku mes dy kampionateve nuk është aq i madh sa perceptohet shpesh. Po ashtu, Kategoria Superiore qëndron mbi Bosnjën (67) dhe Kosovën (69), çka konfirmon një epërsi të lehtë në rajon, por jo dominuese. Në thelb, kjo renditje tregon një realitet të qartë: futbolli shqiptar ka arritur një nivel stab2l, por ka nevojë për një hap cilësor për të dalë nga zona e mesit të poshtëm europian.

Pa përmirësim të performancës në kupat e Europës, investime të qëndrueshme në akademi dhe rritje të standardeve organizative të klubeve, Shqipëria rrezikon të mbetet e bllokuar në të njëjtin pozicion.

Opta Power Rankings nuk është një verdikt përfundimtar, por një pasqyrë objektive e momentit. Dhe kjo pasqyrë tregon se Kategoria Superiore ka ende rrugë për të bërë nëse synon të afrohet me ligat kryesore të rajonit dhe të fitojë më shumë peshë në futbollin europian. Kroacia, Turqia dhe Greqia janë disa nivele më lart, falë pjesëmarrjes së rregullt në fazat e avancuara të kompeticioneve europiane dhe investimeve të vazhdueshme.

Rumania dhe Bullgaria mbeten më konkurruese se Shqipëria, kryesisht për shkak të strukturave më të forta të klubeve dhe tregut më të zhvilluar. Serbia renditet vetëm një vend më lart se Shqipëria, duke treguar se diferenca mes dy kampionateve është e vogël në aspektin statistikor. Shqipëria qëndron mbi Bosnjën dhe Kosovën, duke konfirmuar një epërsi minimale rajonale, por jo dominuese.

Renditja e 66-të në botë e Kategorisë Superiore tregon se futbolli shqiptar ka arritur një nivel stabël, por ende larg standardeve të ligave kryesore të rajonit. Për të bërë hapin e radhës, kërkohen performanca më të forta në Europë, zhvillim i akademive, dhe rritje e vazhdueshme e cilësisë së klubeve. Pa këto elemente, Shqipëria rrezikon të mbetet në të njëjtin pozicion, ndërsa fqinjët mund të distancohen edhe më shumë.

OLSI AVDIAJ – PANORAMASPORT.AL

---