Ndeshja mes Dinamos dhe Vllaznisë në “Elbasan Arena”, ka dhuruar një luftë të fortë mes dy skuadrave, që ka bërë që vetëm pak minuta të luhen me nga 11 lojtarë.

Në minutën e 23-të, Karamba i Dinamos pa t’i tregohej kartoni i dytë i verdhë e rrjedhimisht i kuqi, duke lënë në inferioritet numerik blutë.

Vllaznia ishte me një futbollist më shumë, por në fillimin e pjesës së dytë situata është përmbysur krejtësisht. Fillimisht gjyqtari Barjamaj i tregoi kartonin e kuq Bajramit të Vllaznisë, për një faull si lojtar i fundit ndaj Zabërgjës. Numrat në fushë u barazuan, por edhe ky ekuilibër zgjati pak, pasi me ndihmën e VAR-it, gjyqtari i tregoi të kuqin Jagos për një ndërhyrje kur sapo ishte mbushur një orë lojë.

Kësisoj, skuadrat e vazhduan ndeshjen me lojtarë më pak në 30 minutat e mbetura, pasi Dinamo ishte me 10 të tillë në fushë, ndërsa Vllaznia me 9.

PANORAMASPORT.AL

---