Klubi i Bylisit ka prezantuar në rrjetet sociale afrimet më të fundit të merkatos që kanë bërë ballshiotët gjatë këtyre ditëve.

Një prej tyre ishte sulmuesi kamerunas Roni Uankeuai, i njoftuar që më parë nga klubi i Bylisit. Ndërsa të tjerët ishin futbollistë shqiptarë, të cilët ballshiotët shpresojnë t’i promovojnë në elitën e futbollit shqiptar dhe të cilët kanë qenë pa ekip.

NJOFTIMI I BYLISIT

FK BYLIS ka kënaqësinë të prezantojë lojtarët e afruar në këtë merkato vere:

• Sulmuesi Roni Uankeuai, që është bërë pjesë e skuadrës disa ditë më parë dhe që pritet të jetë një forcë e shtuar në sulmin e skuadrës sonë.
• Mesfushori Paulo Pjeshka, shkodrani 22-vjeçar që së fundmi ka qenë pjesë e skuadrës së Flamurtarit.
• Sulmuesi 21-vjeçar Ilir Gjuzi, i cili vjen nga eksperiencat në Spanjë por edhe në Francë me të rinjtë e Monakos.
• Sulmuesi 19-vjeçar, Aurel Gjuzi, që në karrierën e tij është aktivizuar me skuadrat e Juventus Lorret në Spanjë dhe në Akademinë e Monakos, në Francë.

PANORAMASPORT.AL

---