Java e 27-të, e cila mbyll fazën e tretë të Kategorisë Superiore, do të jetë e ndarë mes të dielës dhe të hënës së ardhshme, për shkak të zhvillimit të sfidave të Kupës së Shqipërisë në këtë mesjavë.

Sipas planifikimit, FSHF ka vendosur të ndryshojë oraret e sfidave, pasi tashmë më të hershmet zhvendosen nga ora 13:30 në orën 15:00 për ato stadiume ku nuk ka ndriçim artificiali.

Ndaj të dielën do të luhen në këtë ore dy sfida shumë interesante, Bylis-Vora dhe Tirana-Elbasani, që mund të jenë përcaktuese sidomos për zonën e rënies nga kategoria. Ndërkohë, në orën 18:00 do të luhet takimi mes Flamurtarit dhe Vllaznisë.

Sa i përket të hënës, të dy sfidat janë të planifikuara në orën 19:00 dhe janë ato Egnatia-Teuta dhe Dinamo-Partizani, me këtë të fundit që ka në lojë një vend në “Final Four”.

JAVA 27

08.03.2026
Bylis – Vora ora 15:00
Tirana – Elbasani ora 15:00
Flamurtari – Vllaznia ora 18:00

09.03.2026
Egnatia – Teuta ora 19:00
Dinamo – Partizani ora 19:00

PANORAMASPORT.AL

---