ZYRTARE/ Start katastrofik i sezonit, klubi i njohur merr vendimin drastik për trajnerin
Asnjë pikë në 6 ndeshje! Ky është bilanci i skuadrës së Bokumit, ku ka nisur sezonin në mënyrën më katastrofike të mundshme.
Me këtë start në Bundesligë, drejtuesit kanë parë përtej teksa kanë shkarkuar me efekt të menjëhershëm trajnerin e tyre, Tomas Reis dhe zv.trajnerin Markus Gellhaus.
Teknik i përkohshëm në pankinën e bardhebluve do të jetë trajneri i ekipit U-19, Helko Butsher.
Këtë lajm e ka bërë vetë publike klubi i Bokumit me anë të një komunikate në sajtin e saj zyrtar, duke konfirmuar “divorcin” me 48-vjeçarin gjerman.
Reis e mori në drejtim Bokumin më 6 shtator 2019 teksa ka numëruar edhe 112 ndeshje në total në të gjitha kompeticionet, ku ka arritur të fitojë 50 ndeshje, barazuar 21 dhe humbur 41.
Aktualisht bilanci i Bokumit në Bundesligë është i frikshëm, nga 6 ndeshje nuk kanë arritur asnjë fitore, asnjë barazim dhe kanë marrë 6 humbje, me një golavarazh 4-18, duke qenë mbrojtja më e dobët e kampionatit.
ℹ️ #meinVfL stellt Thomas #Reis frei
Der VfL Bochum 1848 hat Cheftrainer Thomas Reis und Co-Trainer Markus #Gellhaus von ihren Aufgaben entbunden. pic.twitter.com/gSwn3ZEUPB
— VfL Bochum 1848 (@VfLBochum1848eV) September 12, 2022
BRIAN KRISTO – PANORAMASPORT.AL
