ZYRTARE/ Një numër 10 për Kukësin në limit, zbulohet lojtari që firmosi dhe zëvendëson Ibraimin te verilindorët
Klubi i Kukësit ka arritur të godasë në limitet e merkatos, teksa ka prezantuar zyrtarisht dhe mesfushorin serb, Luka Milunoviç. 28-vjeçari ka firmosur dje një kontratë 1-vjeçare me verilindorët duke u bërë kështu lojtari i ri i skuadrës. Milunoviç shihet si pasuesi ideal i Agim Ibraimit dhe gjithashtu ai më parë është aktivizuar edhe me fanellat e Debrecen, Aris Selanik, Partizan i Beogradit, Zulte, Melah, Sabah Vozdovac dhe së fundmi ishte pjesë edhe e Napredak në kampionatin serb të futbollit. Lajmin e zyrtarizimit të Milunoviç e ka bërë vetë klubi i Kukësit me anë të një postimi në profilin e saj në rrjetin social “Facebook” duke i uruar mirëseardhjen mesfushorit 28-vjeçar.
NJOFTIMI I KLUBIT TË KUKËSIT –
“Futboll Klub Kukesi njofton se mesfushori Luka Milunoviç është zyrtarisht futbollist i skuadrës sonë! Futbollisti 28-vjeçar ka firmosur ditën e djeshme me klubin një kontratë njëvjeçare duke u bërë kështu futbollisti më i ri në skuadër.
⚽️ Mesfushori serb vjen te skuadra jonë nga ekipi i Napredak ku u aktivizua së fundmi në kampionatin serb, teksa ka qenë pjesë edhe e skuadrave si Debrecen, Aris Selanik e Partizani i Beogradit.
?? Klubi i Kukësit i uron mirëseardhje mesfushorit dhe shumë suksese me fanellën e skuadrës sonë. Welcome Luka ?
Skeda e Lojtarit:
Emri: Luka Milunoviç
Mosha: 28 vjeç
Kombësia: Serb
Gjatësia: 1.80 m
Pozicioni: Mesfushor
Klubet e meparshme: Napredak, Debrecen, Melaka, Sabah, Vozdovac, Aris, Platanias, Partizani Beograd, Zulte.”
PANORAMASPORT.AL