ZYRTARE/ Konfirmohet lajmi i “Panorama Sport”, Kukësi rikthen mbrojtësin e majtë
Tashmë është zyrtare, Emiljano Musta është futbollisti i ri i Kukësit, teksa konfirmohet lajmi i publikuar i “Panorama Sport” ditën e djeshme.
Mbrojtësi i cili la ditën e djeshme Partizanin, sot ka firmosur një kontratë me klubin verilindor deri në vitin 2023 dhe duke u rikthyer te Kukësi pas dy aventurave të tij në Kategorinë Superiore.
Këtë lajm e ka bërë vetë zyrtare klubi i Kukësit me anë të një komunikate në profiline saj në rrjetin social “Facebook”.
NJOFTIMI ZYRTAR I KLUBIT TË KUKËSIT –
“Zyrtare! Emiljano Musta është futbollist i Kukësit
✍? Futboll Klub Kukesi njofton se mbrojtësi Emiljano Musta është zyrtarisht futbollist i skuadrës sonë! Futbollisti 29-vjeçar ka firmosur ditën e sotme me klubin një kontratë deri në verën e vitit 2023 duke u bërë kështu futbollisti më i ri në skuadër.
⚽️ Mbrojtësi nga Elbasani rikthehet te ekipi ynë pas dy aventurave të ndryshme në Superiore! Sezonin e fundit, Musta ishte futbollist i Partizanit, por nga dita e sotme do të jetë nën urdhërat e trajnerit Longo.
?? Klubi i Kukësit i uron mirëseardhje mbrojtësit shumë suksese me fanellën e skuadrës sonë. Mirësevjen Emiljano ?
Skeda e Lojtarit:
Emri: Emiljano Musta
Mosha: 29 vjeç
Kombësia: Shqiptar
Gjatësia: 1.86 m
Pozicioni: Mbrojtës i majtë
Klubet e meparshme: Elbasani, Shkumbini, Partizani, Teuta, Flamurtari, Laçi”
PANORAMASPORT.AL