VIDEO/ U mbyll “gojën” kritikëve, ish-sulmuesi i Interit dhuron spektakël me një supergol në Serinë A
Monza ka fituar me rezultatin 0-3 ndaj Sampdorias në transfertë, e vlefshme për javën e tetë të Serisë A italiane.
Golat për ekipin në pronësi të Silvio Berluskonit, u shënuan nga Mateo Pesina në minutën e 11′, Xhanluka Kaprari në minutën e 67′ dhe Stefano Sensit në minutën e 90+4′.
Goli që mori vëmendjen e të gjithëve, ishte i ish-sulmuesit të Interit, Xhanluka Kaprari, i cili ka realizuar në mënyrë fantastike.
29-vjeçari italian, ka goditur menjëherë në ajër topin e krosuar në zonë duke e dërguar në fundin e rrjetës dhe duke shtangur portierin e dorianëve, Auderon.
Ish-futbollisti që ka qenë në pronësinë e Interit, pasi shënoi golin, festoi me shenjën që nuk i dëgjon aspak kritikët në drejtim të tij.
Një gol që u bë menjëherë viral në rrjet.
BRIAN KRISTO – PANORAMASPORT.AL
NDIQE LIVE "PANORAMA TV"