VIDEO/ Fitore nervoze ndaj Luftëtarit, Skënderbeu vazhdon luftën për Europën
Skënderbeu mori 3 pikë të vyera ndaj Luftëtarit në Gjirokastër. Korçarët i falen Blerim Krasniqit, i cili siguroi fitoren për bardhekuqtë 15 minuta nga fundi.
Parashikimi i trajnerit Ilir Daja se ndeshja me bluzinjtë do të ishte e vuajtur rezultoi e saktë. Portieri Shala dhe pasaktësia e Bregut, Krasniqit dhe Mensah e vështirësuan shumë fitoren e korçarëve.
Pas javës së 34-t, Skënderbeu ngjitet në vendin e katërt me 54 pikë duke treguar se Europa është një objektiv që mund të arrihet.
FT: LUFTËTARI-SKËNDERBEU 0-1
Krasniqi 75′
90′ Mbyllet komplet sfida. Skënderbeu fiton me shumë vuajtje ndaj Luftëtarit. Skuadra e Ilir Dajës nuk heq dorë nga Europa.
75′ GOOOL! Luftëtari-Skënderbeu 0-1! Krasniqi gjen golin pas shumë rasteve të shpërdoruara të korçarëve. Gjirokastritët rezistojnë për 75 minuta. Sulmuesi gjuan saktë me kokë pas krosimit të Gripshit. Krasniqi shfryn i nervozuar.
65′ Panik te Skënderbeu. Koliçi lë portën dhe Luftëtari del në kundërsulm dhe tenton të përfitojë. Jashanica shpëton skuadrën në momentin e duhur.
56′ Skënderbeu shpërdoron raste pa fund. Bregu gjuan dhe topi fluturon ngjitur me shtyllën e dytë.
55′ Bruno Dita nuk u beson syve. Mesfushori merr kros perfekt nga goditja e dënimit, portieri del nga porta, por futbollisti kryeqytetas gjuan mbi portë.
46′ Fillon pjesa e dytë.
45’+2 Mbyllet pjesa e parë. Skënderbeu ndalet nga shtylla, Luftëtari reziston mirë.
45’+1 Tronditet sërish porta e Luftëtarit. Topi ndalet nga shtylla.
45′ Akordohen 2 minuta shtesë.
42′ Skënderbeu i afrohet golit me Mensah. Loja ndalet menjëherë. Futbollisti i Luftëtarit Isufi lëndohet gjatë aksionit në dorën e djathtë. Futbollisti largohet me autoambulancë.
37′ Bregu fiton faull për Skënderbeun. Gripshi gjuan, topi bllokohet nga muri mbrojtës i Luftëtarit.
33′ Dita provon me kokë, por goditja e tij shkon mbi traversën e skuadrës gjirokastrite.
32′ Gripshi pason për Mensah, por futbollisti i Skënderbeut nuk gjen dot hapësirë të godasë.
26′ Krasniqi i afrohet portës kundërshtare, por ndalet saktë nga mbrojtësi i Luftëtarit.
23′ Gol për miqtë, por gjyqtari e anulon. Krasniqi shtyn Isufin dhe shënon. Veprimi i saktë nga ana e gjyqtarit.
22′ Faull për gjirokastritët. Mensah ndërhyn nga pas ndaj Hysenit.
20′ Krasniqi tenton të gjuajë, por bllokohet nga mbrojtësit e Luftëtarit.
13′ Provon Gresild Lika nga jashtë zone, por goditja e tij nuk shkon në kuadrat.
1′ Fillon sfida.
FORMACIONET ZYRTARE:
LUFTËTARI: Shala, Dragoshi, Duka, Isufi, Malaj, Hyseni, Puci, Alinani, Lika, Mehmetllari, Çelaj. Trajner: Neritan Novi.
SKËNDERBEU: Koliçi, Pollozhani, Dita, Jashanica, Pëllumbi, Gripshi, Taipi, Mara, Bregu, Krasniqi, Mensah. Trajner: Ilir Daja.
PANORAMASPORT.AL
NDIQE LIVE "PANORAMA TV"