Sot miqësorja Lushnja-Butrinti, mbrojtësi Musaku: Na llogaritni pretendentë
Lushnja ka hyrë në javën e dytë të përgatitjeve në Përmet. Edhe dje, skuadra e drejtuar nga Ilir Gjyla ka zhvilluar dy seanca dhe ngarkesat vazhdojnë të jenë të larta.
Lojtarët po reagojnë më së miri, ndonëse problem për stafin teknik mbeten miqësoret. E megjithatë, e kanë siguruar një. Pikërisht sot do të ndeshen në stadiumin “Gjirokastra” me Butrintin.
Dionis Musaku është optimist për sezonin 2021- 2022. Në një prononcim për “Panorama Sport”, mbrojtësi shprehet: “Kemi dalë në stërvitje që në fillim të korrikut dhe mendoj se jemi në rrugën e duhur. Fazën e kemi zhvendosur në Përmet, ku po marrim ngarkesa.
Gjithçka është OK. Klubi ka blinduar ekipin dhe asgjë nuk na pengon që të nisim me pretendime sezonin 2021-2022. Vërtet ka pasur hyrje-dalje, por këto janë normale në çdo periudhë merkatoje. Mund të them se kemi një skuadër shumë të mirë dhe Lushnja do të shohë larg”.
ALBAN ALUSHI – PANORAMASPORT.AL
NDIQE LIVE "PANORAMA TV"