UEFA nuk fal skuadrat që shkelin rregullat e “Fair Play Financiar” dhe të njëjtën gjë ka bërë edhe me klubin  francez të Marsejës.

Këta të fundit kanë bërë disa shkelje dhe për këtë arsye UEFA ka vendosur t’i dënojë. Marseja i ka shpëtuar dënimit më të rëndë, siç ishte përjashtimi nga Kupat e Europës, teksa është dënuar vetëm me gjobë.

Klubi francez duhet të paguajë një gjobë prej 3 milionë eurosh dhe ju është bërë e ditur se në dy sezonet e ardhshme, do u mbahet 15 % e të ardhurave. Kjo mund të quhet deri diku një dënim i lehtë, teksa më parë kemi parë raste kur skuadra për të njëjtat shkelje janë dënuar me përjashtim nga Kupat europiane, siç është rasti i Sitit.

Kujtojmë se Marseja për sezonin e ardhshëm është kualifikuar në Ligën e Kampioneve dhe do të luajë aty, pas viteve kur nuk kishte marrë pjesë.

PANORAMASPORT.AL

NDIQE LIVE "PANORAMA TV"

---