Te Juventusi do të jetë kohë vlerësimesh, pas ndeshjes me Lionin në rast skualifikimi, apo pas përfundimit të aventurës europiane, në rast përmbysjeje dhe kryefjala do të jetë pa dyshim e ardhmja e trajnerit Mauricio Sarri.

Ky i fundit ka gjithmonë e më pak “fansa” në Torino, prandaj media italiane vazhdon të gërmojë mbi emrat e mundshëm, ku me sa duket, surpriza e fundit është Roberto Mançini.

Trajneri që riktheu në elitë kombëtaren e Italisë është prej kohësh një ëndërr e presidentit Andrea Anjeli, por vështirë se “Manço” do të hiqte dorë nga mundësia që të mos zhvillonte Europianin, verën e ardhshme, për të marrë drejtimin e Juventusit.

NDIQE LIVE "PANORAMA TV"

---