Pesë javë pas lindjes, tifozja e Juventusit tregon linjat perfekte trupore e veshur me bikini
Në muajin mars të këtij viti, supermodelja Emily Ratajkowski, e cila është një tifoze e deklaruar e Juventusit, solli në jetë një djalë, të cilin e pagëzoi me emrin Sylvester.
29-vjeçarja vendosi që të ndajë me të gjithë ndjekësit në rrjete sociale një video, për të treguar se si ka ndryshuar trupi i saj që pas lindjes, shkruan “Daily Mail”.
Modelja e lindur në Mbretërinë e Bashkuar, shihej e veshur me bikini teksa pozonte para pasqyrës duke u rrotulluar për ta treguar trupin e saj në të gjitha këndet e mundshme.
Në fillim, Emily tregoi barkun e saj të sheshtë e më pas, edhe të pasmet e tonifikuara.
Emily dhe bashkëshorti i saj, Sebastian Bear-McClard, zbuluan lajmin emocionues se do të bëheshin prindër për herë të parë vjeshtën e kaluar.
Modelja tregoi barkun e rrumbullakosur kur pozoi për revistën “Vogue”.
Pavarësisht se Emily solli në jetë një djalë, modelja është shprehur se nuk ka dëshirë ta përcaktojë gjininë e fëmijës së saj derisa ai të mbushë 18 vjeç, që të jetë në gjendje të kuptojë orientimin e vërtetë seksual.
