Partizani përgatitet nëse dështon skenari “Daja”, ish-trajneri i Tiranës dhe Skënderbeut në listën e kandidatëve

Panorama Sport | Lajmet e fundit nga bota e sportit

Postuar: Korrik 15, 2020 | 21:58


Partizani përgatitet nëse dështon skenari “Daja”, ish-trajneri i Tiranës dhe Skënderbeut në listën e kandidatëve

Partizani, pas shkarkimit të Adolfo Sormanit dhe stafit italian, do t’i mbyllë tri javët e mbetura të sezonit me trajner provizor, Reinaldo Kalarin. Kjo periudhë kohore do t’u shërbejë drejtuesve për të gjetur timonierin e duhur për të kthyer Partizanin konkurrues si një vit më parë.
Kalari
Parimisht thuhet se trajneri i ri është dakordësuar dhe bëhet fjalë për teknikun aktual të Skënderbeut, Ilir Daja. Por ky proces mbetet i hapur, për aq sa kohë klubi dhe vetë trajneri i dëshiruar nuk janë shprehur publikisht për akordin. Kjo gjë e mban të hapur ankandin për timonier te “demat”.
mirel josa
Përveç trajnerëve të lakuar më herët, ku bëjnë pjesë edhe disa ish-trajnerë të kuq, së fundmi në vitrinë ka dalë edhe emri i ish-trajnerit të Tiranës dhe Skënderbeut, Mirel Josa, që është i lirë pas largimit nga Prishtina. Josa shikohet si një alternativë e fuqishme, nëse dështon akordi me trajnerin Daja.

PANORAMASPORT.AL




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/

www.minuta90.com