Partizani gati për Atletikun, zbardhet axhenda e “demave”. Ja kur do të fluturojnë drejt Andorrës
Partizani kreu ditën e djeshme stërvitjen e parafundit para nisjes për në Andorrë.
Kjo seancë nisi me një stërvitje të lehtë në aspektin atletik dhe më pas vijoi me taktikat dhe këshillat precize të trajnerit Zoran Zekiç për ndeshjen e së martës në orën 17:00. Lajmi i mirë ishte rikthimi i Viktor da Silvës, i cili një ditë më parë nuk ishte i pranishëm për arsye personale. Braziliani u stërvit normalisht me grupin.
Nga ana tjetër, është mësuar edhe axhenda për sfidën e së martës ndaj Atletik Eskaldes. Skuadra do të udhëtojë që nga dita e nesërme drejt Andorrës, për të pasur kohën e nevojshme për tu çlodhur dhe për tu përgatitur.
Në orën 4:00 të mëngjesit të së dielës Partizani do të fluturojë drejt Andorrës po me një avion “charter”. Më pas do të akomodohen dhe hotel dhe pasdite do të zhvillojnë stërvitjen e parafundit.
PANORAMASPORT.AL
NDIQE LIVE "PANORAMA TV"