Është vendosur stafi i arbitrave që do të vendosë drejtësi në derbin e nesërm Tirana-Partizani, e cila do të luhet në “Air Albania”.

Burime për “Panorama Sport” nga brenda FSHF-së bëjnë me dije se Juxhin Xhaja është ngarkuar me detyrën për të gjykuar supersfidën më të nxehtë të futbollit shqiptar. Ridiger Cokaj dhe Denis Rexha do të jenë ndihmës të tij, Egin Doda do të jetë i katërt. Meqënëse është takim me rëndësi të madhe, kjo sfidë do të ketë gjithsej 6 gjyqtarë. Eldorian Hamiti dhe Olsi Ferataj do të jenë arbitrtat që do të qëndrojnë pas portave.

Duke qenë arbitër i FIFA-s, FSHF-ja i ka besuar Xhajës misionin për të arbitruar përballjen emocionuese mes bardhebluve dhe të kuqve.

PANORAMASPORT.AL

NDIQE LIVE "PANORAMA TV"

---