Mbrojtësi i Totenhemit, Jang Vertongen ka deklaruar se do të largohet në fund të sezonit, pas 8 vitesh me skuadrën e Spursave.

Të shumta janë skuadrat që interesohen për mbrojtësin belg, që mban mbi shpinë 13 vite eksperiencë, ndër të cilët klubi i Interit që synon të ndihmojë kapitenin Milan Skriniar të përshtatet me mbrojtjen me 3.

Në rast se Interi do të arrinte ta vishte zikaltër 32 vjeçarin në verë, atëherë ai do t’i bashkohej mbrojtësave të afruar me parametra zero nga skuadra milanezë së fundmi si Diego Godin, apo Azamoah.

“Gjendem në një moment kur duhet të marr letrën e të shkruaj avantazhet dhe disavantazhet e mundësive që do më vijnë së shpejti. Duhet patjetër të vendos në lidhje me atë që dëshiroj për vazhdimin e karrierës time. Do të shkoj në nje vend ku të përshtatem,” u shpreh mbrojtësi 32 vjeçar për një televizion belg këtë të enjte.

 

 

PANORAMASPORT.AL

 

NDIQE LIVE "PANORAMA TV"

---