Skënderbeu nuk ka arritur të marrë më shumë se një fitore minimale ndaj skuadrës modeste nga Andorra, Sant Hulia, në ndeshjen e parë të vlefshme për turin e parë kualifikues të Ligës së Europës..

Korçarët goditën 2 herë shtyllën në pjesën e parë me anë të sulmuesit malazez Vujoviç, ndërkohë që në pjesën e dytë makthi i gjetjes së golit vazhdoi me një penallti të humbur nga Liridon Latifi. Por mesfushori e korrigjoi gabimin e tij në minutën e 69 teksa realizoi një supergol me goditje dënimi, gol që i dha fitoren 1-0 Skënderbeut.

Korçarët tashmë do të shkojnë të qetë në Andorrë javën e ardhshme për ndeshjen e kthimit. Në rast kualifikimi, në turin e dytë Skënderbeu do të përballet me fituesin e çiftit Kairat Almati-Atlantas

Komenti minutë pas minute (Pjesa e dytë)

90+5′ Përfundon takimi.

90+1′ Fransisko Girau ndëshkohet me karton të verdhë për protesta.

88′ Sant Hulia kryen zëvendësimin e tretë. Largohet Bafoe, në fushë Zhoao Lopez.

82′ Latifi futet bukur në zonë nga e majta dhe tenton portën, por topi devijohet në goditje këndi.

79′ Skënderbeu kryen zëvendësimin e tretë. Largohet Xhejms, në fushë Shkodra.

76′ Sant Hulia kryen zëvendësimin e dytë. Largohet Fabio Serra, në fushë Sellaj.

71′ Sant Hulia kryen zëvendësimin e parë. Largohet Vilanueva, në fushë Alvesh.

69′ Skënderbeu kalon në avantazh. Latifi korrigjon gabimin e penalltisë duke shënuar një supergol me goditje dënimi.

69′ Skënderbeu kryen zëvendësimin e dytë. Largohet Vujoviç, në fushë Plaku.

67′ Vilanueva ndëshkohet me karton të verdhë pas një ndërhyrjeje të gabuar.

62′ Skënderbeu kryen zëvendësimin e parë. Largohet Gavazaj, në fushë Taku.

61′ Xhejms tenton me një goditje me kokë brenda zonës, por topi shkon jashtë mbi traun e portës.

53′ Latifi merr përsipër ekzekutimin e penalltisë, por portieri i Sant Hulias kupton krahun dhe grushton topin.

53′ Skënderbeu fiton një penallti pasi Zugiç prek me dorë topin brenda zonës. Karton i verdhë për të.

46′ Fillon pjesa e dytë. Skënderbeu luan topin e parë.

Pjesa e parë

45 minutat e para kanë dhuruar një lojë mjaft të qetë. Skënderbeu edhe pse pritej të mos haste vështirësi përballë një kundërshtari modest, nuk ka arritur të gjejë rrugën e rrjetës. Pavarësisht lojës së zhvilluar në gjysmëfushën kundërshtare, korçarët arritën të tregoheshin të rrezikshëm vetëm në dy raste, në minutën e 20-ë dhe të 38, teksa në të dy rastet Vujoviç goditi shtyllën.

LIVE | SKËNDERBEU – SANT HULIA 1-0
Latifi 69′

Skënderbeu: Shehi, Vangjeli, Radas, Jashanica, Mici, Lilaj, Osmani, Gavazaj (Taku 62′), Xhejms, Latifi, Vujoviç (Plaku 69′)
Trajner: Ilir Daja

Sant Hulia: Vidal Rodrigez, Vigo, Firpo, Zarioh, Erik Rodrigez, Blanko, Fransisko Girau, Zugiç, Vilanueva (Alvesh 71′), Fabio Serra (Sellaj 76′), Bafoe (Zhoao Lopez 88′)
Trajner: Luis Blanko

Gjyqtar: Robert Henesi (Irlandë)

KV: Blanko 31′, Zugiç 53′, Vilanueva 67′, Fransisko Girau 90+1′

NDIQE LIVE "PANORAMA TV"

---