Laçi me dyer të hapura ndaj Partizanit, Starova: Do jetë një ndeshje e fortë, të tre rezultatet në lojë
Laçi do të perballet me Partizanin, ditën e nesërme në orën 16:00, në fushën e vet dhe Sulejman Starova trajneri i kurbinasve mendon se kjo sfidë i ka te tre rezultatet brenda.
Në një prononcim për “RTSH”, ai është shprehur se skuadra do të japë maksimumin dhe se herët ose vonë do të zgjidhet problemi i pikëve.
“Skuadra ka mungesën e pikëve, por premton sepse i ka të gjitha mundësitë që të përballet me ekipe më të forta, siç ishte rasti i Kukësit. Me shumë pak kujdes do të kishim kaluar problemin e pikëve. Jemi ende në fillim të sezonit dhe koha është e gjatë për të rikuperuar këto pikë dhe objektivin që ka çdo skuadër”, shprehet Starova.
Ndërkaq ai ka shtuar: “Me Partizanin do të jetë një ndeshje e fortë që ka tre rezultate brenda. Do të bëjmë maksimumin tonë si gjithnjë”.
Klubi nga ana e vet ka bërë një lajmërim për tifozët duke lënë hyrjen e lirë, për sportëdashësit nëse duan të shohin sfidën nga triuban për karshi.
/PANORAMASPORT.AL/
NDIQE LIVE "PANORAMA TV"