Kosova në festë, ylli i “Dardanëve” kthehet në fushë pas 7 muajve
Njëri prej futbollistëve më të mirë të Kosovës Arbër Zeneli duket se do ta prekë tapetin e gjelbërt së shpejti.
Sulmuesi i krahut të Reimsit në Francë do të nisë përgatitjet për pjesën e dytë të sezonit 2019-2020 që në 1 janar. Lajmin e jep i ati i 24-vjeçarit për “Gazetën Olle”.
“Arbëri fillon përgatijet në 1 janar së bashku me ekipin e tij”, u shpreh Avni Zeneli, i ati i Arbër Zenelit.
Futbollisti i Kosovës u dëmtua në 7 qershor në sfidën për eliminatoret e EURO 2020 me Malin e Zi duke lënduar ligamentet. Ai iu nënshtrua ndërhyrjes kirurgjikale duke arritur më pas t’i nënshtrohet seancave të rikuperimit.
Zeneli pritet të jetë titullar në sfidën e 26 marsit për Ligën e Kombeve kundër Maqedonisë së Veriut në Shkup, sfidë e vlefshme për kualifikimin në EURO 2020.
PANORAMASPORT.AL
NDIQE LIVE "PANORAMA TV"