“Kemi toleruar vetë kur kemi luajtur, por sot u bë në një mënyrë shumë të shëmtuar”, Agim Canaj flet pa doreza

Panorama Sport | Lajmet e fundit nga bota e sportit

Postuar: Korrik 3, 2020 | 0:05


“Kemi toleruar vetë kur kemi luajtur, por sot u bë në një mënyrë shumë të shëmtuar”, Agim Canaj flet pa doreza

Ndeshja mes Bylisit dhe Tiranës e vlefshme për fazë gjysmëfinale të Kupës së Shqipërisë shkaktoi polemika të shumta. Bardheblutë u mposhtën me rezultatin 2-1, teksa në pjesën e dytë u shturën totalisht, duke bërë që epërsia e pjesës së parë të përmbysej.

Canaj

Në lidhje me këtë takim ka folur edhe trajneri i njohur, Agim Canaj, i cili në një prononcim për emisionin “Pressing” në ABC News, veç të tjerash, deklaroi se mënyra e lojës së Tiranës në fragmentin e dytë të ndeshjes ishte tepër e shëmtuar.

“Tiranën e duam të gjithë, është një nga skuadrat që e udhëheq kampionatin me meritë. Është shumë e rëndësishme në një ndeshje Kupe, kur arrin rezultat në pjesën e parë dhe shpërfytyrohesh në pjesën e dytë.

U bë me dashje që Tirana nuk ka interes për Kupën apo çfarë? Nuk mund të aludojmë që Tirana e shiti ndeshjen. Kemi toleruar vetë kur kemi luajtur, por sot u bë në një mënyrë shumë të shëmtuar.

Në ecurinë e mirë dhe pastërtinë e këtij klubi, kjo e bën pak pis. Mënyra se si u zhvillua ndeshja, nuk ishte aspak profesionale“, u shpreh Canaj.

PANORAMASPORT.AL




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/

www.minuta90.com