Tod Bohli ishte figura drejtuese e cila drejtori grupi “Clearlake” që të merrte në pronësi klubin e Çelsit. Dy vite më vonë nga momenti i transferimit të klubit nga Roman Abramoviç te amerikanët, mësohet se Bohli do të jetë i detyruar të largohet nga drejtimi i bluve londinezë.

“Daily Mail” ka bërë të ditur se grupi i cili zotëron pjesën më të madhe të aksioneve të klubit, do të zëvendësojnë Bohlin me një figurë tjetër në vitin 2027. Në akordin për krijimin e grupit të investitorëve që mori në pronësi skuadrën, bashkëpronarët kanë firmosur një klauzolë ku ata bien dakord që të më marrin drejtimin me radhë si figurë përfaqësuese çdo pesë vite.

Kështu, në verën e vitit 2027, Bohli do të largohet nga posti që mban, duke ia dorëzuar kontrollin e plotë të klubit një prej bashkëpronarëve të tjerë në grupin e investitorëve amerikanë. Behdad Egbali dhe Zhoze Feliciano zotërojnë mes tyre 61.5% të aksioneve të klubit, ndërsa 38.5% që mbetet ndahet mes Bohli, Hansjorg Vys dhe Mark Uallter.

Nuk dihet ende se cili mes tyre do të marrë drejtimin pas Bohli, por ndryshimi pritet të jetë radikal, sidomos pasi shpenzimet e çmendura të Bohlit në merkato që kanë kaluar 1 miliard euro, nuk kanë sjellë ende asnjë efekt në klub. Drejtuesi aktual mund të kthehet në drejtim vetëm në vitin 2032 nëse e sheh të arsyeshme.

PANORAMASPORT.AL

NDIQE LIVE "PANORAMA TV"

---