Postuar: Korrik 1, 2017 | 13:17
Gjysmë-profesionistë, por te Sant Hulia nuk e kanë më frikë Skënderbeun
“Sapo kemi mbërritur në aeroportin ‘Leida-Alguaire’ (Spanjë) dhe po bëhemi gati për t’u kthyer në principatën e Andorrës pas ndeshjes kundër Skënderbeut. Ëndrra e Ligës së Europës është ende gjallë. Forca Sant Hulia!”.
Kështu shkruhej dje në faqen zyrtare të rivalit të Skënderbeut, ekipit modest nga Andorra, që rezistoi më së miri në takimin e parë në Korçë. Teksa pritej një fitore e thellë e vendësve, Sant Hulia u mbrojt mirë dhe për më tepër ishte e vendosur në fushë me një disiplinë të lartë taktike.
Humbja me rezultatin minimal 1-0 ka entuziazmuar andorrianët, që tashmë besojnë të përmbysja në takimin e kthimit më 6 korrik. Trajneri Blanko i la pushim dy ditë lojtarët.
NDIQE LIVE "PANORAMA TV"