Franca zgjedh Zidanin: E duam trajner në vitin 2022

Panorama Sport | Gazeta me e madhe sportive ne vend

Postuar: Janar 24, 2020 | 13:46

Bota FB LAJMI KRYESOR Të fundit

Franca zgjedh Zidanin: E duam trajner në vitin 2022

Franca i ka vënë syrin Zinedin Zidanit për të zëvendësuar Didie Deshampin pasi trajneri i kampionëve të botës të largohet. E konfirmon vetë presidenti i Federatës Franceze të Futbollit, Noel Lë Gre. 

Guardiola-is-the-best-technician-in-the-world-Zinedine-Zidane.img

I PËRZGJEDHURI – Emri i trajnerit të Realit të Madridit është lidhur me kombëtaren e vendit të tij edhe më herët, por ai vendosi që të rikthehet në “Santiago Bernabeu” vitin e shkuar. Ndërkohë që Deshamp, i cili është në krye të “Les Bleus” prej vitit 2012, rinovoi kontratën vetëm muajin e shkuar, marrëveshje e cila parashikon që ai të qëndrojë në këtë detyrë deri në përfundim të Botërorit të Katarit në 2022-shin. Deshamp e ka përkrahur që ishshoku i tij i skuadrës një ditë të marrë timonin e kombëtares, diçka që e dëshiron e gjithë Franca dhe mbetet gjithashtu një objektiv i presidentit të FFF.

zidan

“Ditën që Didie vendos të largohet apo kontrata e tij të mos rinovohet, nëse Zidan do të jetë i disponueshëm në atë periudhë, ai do të jetë kandidati për këtë rol”, tha Lë Gre për televizionin “Canal+”. Kjo mundësi mund të vijë pas dy vitesh, me pozicionin e Deshampit që pas Kupës së Botës mbetet i pasigurt. “Kemi Botërorin e Katarit. Didier do të jetë atje dhe ndoshta më pas nuk e di”, shtoi presidenti i federatës. Deshamp dhe Zidan fituan Kupën e Botës si lojtarë në Francë 1998, përpara se ish-trajneri i Juventusit të udhëhiqte vendin e tij drejt majës së botës në 2018-ën në Rusi. Zizu ndërkohë shkëlqente në të njëjtin rol në stolin e Realit, ku ai fitoi 3 Liga Kampionesh radhazi gjatë aventurës së parë në “Bernabeu”.

/PANORAMASPORT.AL/




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/

www.minuta90.com