U afrua me shumë bujë te kampionët e Partizanit, por mesfushori Aristoteles Romero, rezuloi një dështim.

I përjashtuar nga ekipi i parë, për thyerje dhe i “dëbuar” te ekipi B, venezueliani, duket se e ka stakuar mëndjen për sa i përket futbollit të luajtur. Këtë fakt e vërteton pesha e tij, në këto moment të vështirë karantinimi.

Në një foto të publikuar në “Instastory” nga e fejuara e mesfushorit, Romero shfaqej duke përgatitur një embëlsirë. I fokusuar maksimalisht te ushqimi, 24-vjeçari është dukshëm mbi peshë, teksa nuk është kujdësur aspak për të qëndruar në formë optimal në periudhën e izolimit.

NDIQE LIVE "PANORAMA TV"

---