Interi ka fituar sot me shifrat 2-0 ndaj Kaljarit në transfertë dhe ka vazhduar startin perfekt në këtë edicion në Serinë A me dy fitore në dy ndeshjet e para. Një start i cili i ka mundësuar zikaltërve që të regjistrojnë për herë të parë në historinë e klubit një statistikë të veçantë.

Pas fitores që erdhi me golat e Dumfris dhe Lautaro Martinez, faqja e statistikave “Opta” bëri të ditur se rezulton që ky është edicioni i pestë radhazi ku zikaltërit kanë fituar të dy ndeshjet e para në kampionat.

Një seri e tillë nuk kishte ndodhur asnjëherë më parë në historinë e klubit zikaltër, pavarësisht se është ndër më të suksesshmit në Serinë A dhe thuajse gjithmonë mes pretendentëve për titull.

PANORAMASPORT.AL

NDIQE LIVE "PANORAMA TV"

---