Eventi i rëndësishëm i “CCIT Award”, DigitAlb vlerësohet si platforma më e ndjekur në 2019-tën
DigitAlb është vlerësuar nga eventi i rëndësishëm, CCIT Awards, si platforma më e ndjekur nga shqiptarët për vitin 2019, në mbrëmjen gala të mbajtur një ditë më parë, ku ishin të pranishëm biznesmenë nga Shqipëria, Maqedonia dhe Kosova.
Në vitin 2007 DigitAlb iu prezantoi abonentëve një platformë unike që ecte me hapin e risitë botërore, bëhet fjalë për kanalet e para HD. Ndërkohë që sot kjo platformë ka arritur të shtrihej në të gjitha trojet shqip folëse duke u zgjedhur edhe si platforma më e ndjekur nga shqiptarët për vitin 2019.
Në mbrëmjen gala të organizuar ditën e djehsme, nuk mungoi dhe një fjalim i shkurtër i presidentes të “Top Medias”, Vjollca Hoxha, e cila u shpreh:
“Faleminderit për vlerësimin. Kjo është një platformë jo vetëm për Shqipërinë, por unë e them me plot gojën që kjo është platforma më e mirë dhe në Ballkan dhe më gjerë. Sinqerisht ky çmim i shkon të gjithë shikuesve që kanë besuar tek kjo platformë. Ne përveç premtimit që kjo platformë do të jetë më e mira, nuk kemi se çfarë të themi më. Gëzuar të gjithëve dhe kalofshi sa më mirë”.
PANORAMASPORT.AL
NDIQE LIVE "PANORAMA TV"