Erzeni shkarkon trajnerin, zyrtarizon Stavri Nicën
Erzeni mbetet pa trajner. Klubi ka shkarkuar Vladimir Gjonin. Një vendim i papritur, por që vjen si pasojë e ecurisë jo fort pozitive. Ka qenë drejtori Altin Keçi që e konfirmon lajmin për “Panorama Sport”, teksa thotë: “Hoqëm trajnerin, ishte një vendim i marrë nga bordi drejtues”.
Me teknikun matjan është ndërprerë tashmë bashkëpunimi, ndërsa kujtojmë se 49-vjeçari e mori drejtimin e skuadrës në fillim të muajit tetor. Ai zuri vendin e Gentjan Begesë ( gjithashtu i shkarkuar), por aventura në stolin e Erzenit i zgjati vetëm 2 muaj.
E megjithatë, në klub nxituan dhe gjetën trajnerin e ri. Stavri Nicës, i cili drejtonte Devollin. tashmë është zyrtarizuar nga klubi i Erzenit.
Kujtojmë se 65-vjeçari e ka drejtuar ekipin edhe në 2015-ën. Shijakasit javën e fundit e bënë pushim, për shkak se kalendari i kishte rezervuar përballje me Shkumbinin (ekip që u përjashtua nga Komisioni i Disiplinës). Erzeni e mbylli vitin 2019 në vendin e katërt, me një diferencë prej 8 pikësh nga Kastrioti kryesues.
Fiqiri Shehu
NDIQE LIVE "PANORAMA TV"