Postuar: Qershor 8, 2021 | 10:32
E zbulojnë në Kosovë, Laçi i bën ofertë sulmuesit 23-vjeçar
Te Laçi kanë nisur të punojnë për afrimet që do të bëjnë në skuadër në merkaton e verës. Pas Saliou Gundo, kurbinasit po tentojnë të afrojnë edhe një tjetër sulmues.
Bëhet fjalë për futbollistin që sezonin e fundit ishte pjesë e Feronikelit në Kosovë, Adem Maliqi. “Zëri.info” raporton se kurbinasit i kanë bërë një ofertë lojtarin dhe shpresojnë që ta bindin për të veshur fanellën bardhezi. Gjithashtu Maliqi ndiqet edhe nga skuadra e Llapit në Kosovë, që gjithashtu ka shprehur interes për të marrë shërbimet e tij.
Gjatë karrierës së tij, sulmuesi 23-vjeçar ka luajtur vetëm në Kosovë, me skuadrat e Ferizajt, Flamurtarin dhe së fundmi me Feronikelin.
PANORAMASPORT.AL
NDIQE LIVE "PANORAMA TV"