Xhani De Biazi ka analizuar Serinë A italiane pas javës së parë të kampionatit, aty ku u ndal te Milani dhe skuadrat që sheh si favorite për titullin kampionat.

De Biazi u shpreh se ka parë një paraqitje shumë të mirë të Milanit në javën e parë, sidomos të lojtarëve që janë afruar në merkaton e verës. Ai shtoi se paraqitjet dhe golat e Zhiru, e kanë kthyer në një fenomen.

“Për mua Zhiru është një fenomen. Dy golat kundër Bolonjës janë falë tij. Sidomos i dyti, ai lëvizi me mençuri dhe i la hapësirë Pulisiçit.

Afrimet e reja? Pulisiç, për shkak të shpejtësisë me të cilën ai krijon raste, është diçka e madhe. Nga ana tjetër, Reijnders duket se ka luajtur një jetë me Milanin. Pastaj do të doja të nënvizoja edhe një tjetër. Loftus Çik më ka befasuar edhe në përgatitje me fizikun dhe fuqinë që kishte.

Titulli kampion? Për mendimin tim, Napoli, Interi dhe Milani po luajnë gjithçka. Gjithashtu e pashë Juven shumë mirë kundër Udinezes: Do të përfshij edhe bardhezinjtë në garë”, u shpreh De Biazi.

PANORAMASPORT.AL

NDIQE LIVE "PANORAMA TV"

---